Ermənistan Rusiyadan SU-30SM təyyarələrini alır?

Ermənistan Rusiyadan SU-30SM təyyarələrini alır? TASS xəbər agentliyinin yaydığı məlumata görə, Ermənistan höküməti Rusiyadan SU-30MS təyyarələrini alacağını bəyan edib. “Biz bunun tez olmasını istəyirik. Artıq danışıqların yekun mərhələsindəyik”,- deyə Tonoyan Rusiyalı media nümayəndələrinə bildirib. Ermənistan bu təyyarələri Rusiya ilə 24 oktyabr 2017-ci ildə qəbul edilən kredit razılaşması sayəsində əldə edəcəyi bildirilir. Qeyd edək ki, Rusiyanın Suxoy Dizayn Bürosu tərəfindən hazırlanan SU-30MS, 4+ nəsil, 2 mühərrikli, iki oturacaqlı supermanevrli qırıcı təyyarədir. İstənilən hava şəraitində, hava-hava və hava-yer və yerüstü dəstək missiyalarını həyata keçirmək üçün nəzərdə tutulub. 450-500 ədəd istehsal olunduğu bildirilən qırıcı təyyarə Rusiya başda olmaqla, Əlcəzair, Çin, Hindistan, Qazaxıstan və sair kimi 12 ölkənin silahlanmasında yaxından iştirak edir.

Əli Səfərov

Hərbi İnformasiya